Collectif Prouvènço - Uno regioun uno identita uno lengo
Vous êtes ici : Accueil » Le site web » Actualités » 17 nov. - 50 an de l’assouciacioun Lis Ami de la Lengo d’O

17 nov. - 50 an de l’assouciacioun Lis Ami de la Lengo d’O

D 4 septembre 2013     H 14:44     A La Chourmo dóu Couleitiéu     C 0 messages


agrandir

Li 50 an de l’assouciacioun

Lou Dimenche 17 de Nouvèmbre 2013 anèn festeja li 50 an de l’assouciacioun « lis ami de la lengo do ». Pèr li gènt que soun marida acò se dis li Noço d’or.

Cinquanto an, la mita de la vido d’un ome. De segur ère pas aqui au moumen de la nativeta d’aquèlo assouciacioun e devèn rendre un óumage em’aqueli que l’an menado despiéi d’annado.

Es pas eisa de counserva e de faire viéure uno assouciacioun qu’aparo la lengo prouvençalo dóu moumen que li gouvèr e la majo-part di gènt, noun countent de nous faire pas ajudo, dison que nosto lengo es desmoudado e qu’au moumen de la moudialisacioun es mai nescite de parla l’inglès.
Iéu crese que de segur se la poussibleta de tóuti parla la memo lengo sarié lou biais d’amelioura la vido di gènt, la vido materialo e spiritualo, dins un esperit de civismo d’égalita entre li pople e li culturo acò sarié belèu pas mau.

Pamens crèse qu’aquéu biais de faire es pulèu d’avedre uno lengo coumercialo !

Cresès que tóuti li pople au found di desert e di fourest, qu’an tóuti de dialete different van aprene l’inglès pèr pousqué vendre lou peissoun o li fru ?....

Moun imaginacioun m’a empourta en deforo de nosto affaire : li 50 an.
Voudriéu qu’aquelo manifestacioun siegue uno festo de rescontre, d’amista de recouneissenco de la lengo qu’an parla nosti rèire e d’aquèu biais ié rendre un óumage. E fin finalo se ramenta de tout ço que nous an leissa.
Pèr acò vole espera que sarès li mai noumbrous pèr veni lou 17 de Nouvèmbre 2013.

Vaqui lou debana d’aquelo journado :
De prim’abord uno messo en lengo nostro sara councelebrado en la gleiso Nostro Damo La Novo de Laudun pèr lou curat Julien et lou curat Chapus, la chourmo lis Enfant d’Arausio vendran à la messo pèr canta. Aquelo chourmo aculira li participant au Forum de Laudun et animaran l’apéritiéu.

Un repas sara servi pèr lou trataire Courbet de Laudun.

A la fin dóu repas Guy BONNET nous fara entendre li cant d’amour de Mirèio.
Reparlaren d’aquelo journado à la debuto dóu mes de setèmbre, e vole ben crèire que pensarès dès vuei à marca aquelo dato sus lou cartabèu de vòsti rendès-vous.

Osco pèr prouvenço, amista a tóuti e tenès vous gaiard.

Lou Président de l’assouciacioun :

Daniel Fauvelet

JPEG - 1.2 Mo
Fauvelet - 50 ans association web