Collectif Prouvènço - Uno regioun uno identita uno lengo
Vous êtes ici : Accueil » Le site web » Actualités » Lei journado dóu vin cue au Plan de la Tourre, 21 de (...)

Lei journado dóu vin cue au Plan de la Tourre, 21 de setèmbre

D 24 octobre 2014     H 15:08     A La Chourmo dóu Couleitiéu     C 0 messages


agrandir

Despuei 32 an, mié setèmbre, aquelo fèsto ourganisado pèr l’escolo dei Mantenèire prouvençau emé lou soustèn de la municipalita, es uno bouano ὀucasien de faire clanti nouasto lengo varéso.

Tout coumenço lou dissate emé leis vendùmi dὀu rasin « Jaquez » sus leis autin, treio, tounello dei Plantourian que nous lou dounon bountousamen. Lou dimenche matin à vuech ouro, tout leis óutis soun en plaço au centre dὀu vilàgi : cournudo, cigoumeto, caucadouiro, destré, peiròu, trespèd. A noùv ouro, si coumenço d’esquicha lou rasin puei d’atuba lou fue emé de souco seco. La majo part dὀu travai es facho pèr lei jouine en qu’avèn passa lou flambèu. Es un plesi de vèire coumo li soun afouga !

Tout leis an counvidèn un groupe fouclouric diferènt pèr anima la journado. Aquest an, avian « la Farigouleto » de La Gàrdi qu’encantè tout lou mounde.

A 10 ouro après agué fa l’aubado au « vin cue », s’endraièron dins lou vilàgi pèr un passo carriero musicau puei, de retour sus la plaço, cadun poudié tasta lou bouan jus de rasin que s’escouravo dὀu destré.

Entre-tèms, la majo part dὀu jus de rasin es boutado dins lei grand peiròu de couire sus un bouan fue de souco, ounte restara fin qu’agué demeni d’un bouan tiers. Tre que bouié lou fau escumeja.

Toujou en musico, 150 persouno s’entaulèron pèr lou grand aiòli e pèr aperitiéu , un vèire de vin cue de l’an passa. Lou bèu tèms èro de la partido. Tout l’après dina lei musicien e dansaire de « la Farigouleto » animèron aquelo bello journado que s’acabè’mé « la Coupo Santo ».

Recèto dóu vin cue
Dins de peiròu de couire, lou jus de rasin negre bèn madu duou couire fin qu’agué demeni 1/3 e tout lou tèms que bouie lou fau escumeja.
Puei lou refreja pacientamen en lou trasvasènt d’uno cournudo à l’autro e en lou fènt escoura de naut fin que reprene lei levaduro que soun dins l’èr.
Un còup frei, lou bouta dins de damo-jano vo de tounèu que seran plen qu’au ¾ fin de permetre lei fermentacien. Tapa sulamen m’un’estresso.
Lou leissa dins la croto 10 mes de tèms sènso lou touca.
Au mes de juliet, lou vin cue es fa, si pòu metre direitamen en boutiho, s’a bèn fermenta, duou faire 18 degrat.

Lou papet,
Andriéu Teyssier

JPEG - 845.6 ko
LEI JOURNADO DOU VIN CUE AU PLAN DE LA TOURRE_1
JPEG - 811.9 ko
LEI JOURNADO DOU VIN CUE AU PLAN DE LA TOURRE_2