Collectif Prouvènço - Uno regioun uno identita uno lengo
Vous êtes ici : Accueil » Le site web » Actualités » Me Dison Prouvènço N°45 vient de sortir !

Me Dison Prouvènço N°45 vient de sortir !

D 7 octobre 2014     H 11:03     A La Chourmo dóu Couleitiéu     C 0 messages


agrandir

Au sommaire :
• Maillane fête Frédéric Mistral (compte rendu de l’événement de la Commémoration du centenaire de la disparition du poète dans sa ville natale)
• Carnet d’adresse des cours de provençal
• Les nouvelles de nos antennes : Arles, Marseille, Ouest Provence, Vaucluse, Alpes Maritimes, Alpes de Haute Provence…
• Le Collectif s’approprie le Mas Saint-Paul pour la création de l’Ousservatòri
• Patrimoine musical : célébration du 400ème anniversaire de Saboly
• Interview de Maurice Guis pour les 25 ans de l’Académie du Tambourin

Me Dison Prouvènço magazine bilingue provençal-français

Abonnez-vous !

Edito de Jean-Pierre Richard, Président du Collectif Prouvènço

De-countùnio e de-longo, nous canton de cansoun de ma grand la borgno emé li mot « criso ecounoumico », emai, « deficit ». A moun tour, e pèr la bono causo, evoucarai aquéli questioun. Mai soulamen pèr ço que toco noste mouvemen ; lou Couleitiéu Prouvènço.

Tout lou mounde podon participa à noste prefa, sènso faire, d’aiours… trop d’esfors. N’en vaqui la recèto. Fau nous manda, dins uno envouloupo, lou chèque de voste adesioun e de voste abounamen à noste magasine, - o pèr soun renouvelamen. S’avès un ourdinatour o un telefoune « inteligènt », fasès-nous counèisse tambèn vòstis bònis adrèisso eleitrounico e poustalo – pèr eisèmple s’avès fa Sant-Miquèu d’un coustat o de l’autre. Em’acò, voste magasine sara jamai retourna à noste burèu. Es que chasco annado, li relanço que fasèn devers nòsti sòci e abouna que pagon sis escoutissoun d’un biais tardié nous fan gasta de sòu qu’es pas de dire. Manda un centenau de letro à 0.70 € l’uno, acò nous costo, pèr eisèmple, 70 €. E coume avèn proun d’abouna e de membre que fan ansin, la despènso, pèr nautre s’encapo di grosso. 300 € pèr an, sènso coumta lou tèms gasta pèr lou faire. Cars ami, ajudas-nous à espargna ! Es pamens eisa ! Quouro vesès, sus l’envouloupo de voste Me Dison Prouvènço, la mencioun Acaba , esperès pas pèr nous manda un chèque de 32 €, pres de voste abounamen à vue numerò....

Me permete tambèn de prene lengo, aqui, emé li baile dis assouciacioun amigo. Abounas-vous, e fasès abouna vòsti sòci. Segound lou moumbre, esitaren à proupausa pas de remeso impourtanto. N’i’a que lou fan deja. Un groupamen vèn, ansin, de nous rejougne, emé 120 abounamen ! Devèn gagna la bataio dóu magasine. Car quau, s’es pas nautre, pourra espandi li novo sus la situacioun culturalo en Prouvènço ? Quau aparo miés que nautre uno culturo prouvençalo duberto, mai qu‘acetara jamais de se vèire integrado, pèr la forço, à-n-un supra-regiounalisme artificiau sènso goust ni gousto ?...

En abriéu de l’an que vèn, noste Forum dis assouciacioun prouvençalo sara l’escasènço d’ourganisa un grand debat que ié saran counvida noun soulamen li group e lis assouciacioun, mai tambèn tóuti li gènt que lou voudran. Es ansin que pourren miés counèisse vòsti besoun raport à noste Óusservatòri de la Lengo e de la Culturo Prouvençalo, proujèt que metra enfin la Prouvènço au meme nivèu que li gràndi regioun lenguistico de Franço e d’Éuropo. Evoucaren tambèn la necessita majouro de se federa d’un biais voulountàri, se voulèn èstre entendu pèr li poudé publi. Que dins un aveni proche, emé de buget mai que mai rousiga e lou chapoutamen di couleitiveta territourialo, nòstis assouciacioun, em’en particulié lou Couleitiéu Prouvènço e soun Óusservatòri, van mai que mai pati. Mai que mai, auren besoun de nous acampa e nous pourta ajudo lis un lis autre pèr apara nosto culturo, nosto lengo e noste territòri.

Dève enfin envouca un evenimen forço simbouli qu’aguère l’ounour de i’èstre presènt, i’a gaire. Lou 9 d’óutobre passa, counvida pèr l’Institut d’Estudis Valencians, pousquère representa la Prouvènço à-n-uno manifestacioun impourtanto, lou Jour de Valènço, que se fai, cade an, dins l’anciano capitalo dóu reiaume valencian. Dins un jour festié, la Coumunauta Valenciano ounouro Jaume Ié d’Aragoun, di lou Counquistaire (cousin german de noste grand Ramoun Berenguié V), que counquistè Valènço i Sarrasin, lou 9 d’óutobre 1238, ié foundant un reiaume particulié que faguè jamai partido de la Catalougno. Arremarcaren coume noste coumbat s’encapo forço proche d’aquéu di valencianisto, que luchon tambèn pèr manteni soun identita e de sa lengo, davans l’egemounìo di Catalan.

Lou vesès proun, avèn de pan sus la canisso... Mai s’es proun maleisa de segui, lou camin que se sian chausi es lou bon !...

Jan-Pèire Richard
Presidènt dóu Couleitiéu Prouvènço

JPEG - 856 ko
MDP 45